INDARKERIAREN AURKAKO KANPAINAREN AURKEZPENA
Bizkaiko Futbol Federazioak "Hau ez da zure lekua; Hau ez da zure zelaia" futbol zelaietan indarkeriaren aurkako kanpaina aurkeztuko du astearte honetan, 12:00etan.
Ekimen hau 2020-2024 plan estrategikoaren barruan dago, eta horren bidez, federazio-erakundeak indartu egin nahi du futbolarekin duen konpromisoa, balio-kirol gisa, eta giro osasuntsua eta segurua sustatu nahi du Bizkaiko futbol-zelaietan.
Kanpainaren aurkezpen ofiziala San Mameseko Prentsa Aretoan egingo da datorren asteartean, maiatzak 16, 12:00etan.
Prentsaurrekoan izango dira Iñaki Gómez Mardones Bizkaiko Federazioko presidentea, Rocio Ybarra Athletic Cluben izenean haurrak babesteko Aterpe programaren arduraduna, Carlos Sergio Bizkaiko Foru aldundia aldetik eta Ricardo de Burgos Bengoetxea gaur egungo epaile internazionala.
Ekitaldian zehar kanpainaren helburu nagusiak eta ekintza garrantzitsuenak aurkeztuko dira. Horien artean, nabarmentzekoa da hainbat bideo laburrak, bai fisikoki, bai hitzez, edozein indarkeria mota gaitzesteko mezu argiak emanez.
Bideo horiek egiteko, Bizkaiko kiroleko pertsona ospetsu batzuen laguntza paregabea izan da, hala nola Ricardo de Burgos bera, Iñaki Williams, Mikel Balenziaga, Iraia Iturregi, Nekane Diez, Andoni Goikoetxea, etab.
Bizkaiko Futbol Federazioak komunikabide guztiak gonbidatzen ditu prentsaurreko horretara, gaitz garrantzitsutzat jotzen duenaren aurkako borrokan indarrak batzeko: indarkeria kirolean.
